تصميم متاجر سلة هو احد مصادر دخلي ؟ كيف ؟ تعال بقولك

طيب الان صارت حساباتك جاهزة 
ملف اعمالك جاهز
تسعيرة خدماتك جاهز
الان نبدا بالتسويق بالمحتوى
اولا انت راح تستهدف اصحاب المتاجر
يعني الناس اللي عندهم بزنس
ف التسويق بالمحتوى
انك تعمل محتوى يجذبهم ويهمهم
مثلا حسابي اكبر مثال
اقدم مواضيع عن التسويق للمتاجر ومشاكلها
نتكلم عن افكار مشاريع
بهذي الطريق انا استقطب كل من عنده متجر على سلة او مهتم بانشاء متجر
واسوق عليهم خدماتي
وانت نفس الشي تسوي
مثلا اعمل لك قائمة هذا الاسبوع ب مواضيع يومية وحلو لو تكون هذي المواضيع فيها تشجيع على فتح متجر الكتروني
مثلا :
١- الفرق بين باقات سلة
٢- الوثائق اللازمة لفتح متجر
٣- كلمات تسويقية جذابة
٤- مميزات فتح متجر على سلة بوليصات شحن مخفضة
٥- هل العميل يفضل الشرءا عبر الواتس او عن طريق متجر
مثلا هنا عندي خمسة عناوين
ابدا امسك كل عنوان واصنع منه موضوع
اما ثريد انزله على تويتر
او بوست بالانستقرام
او اصنع منه فديو على التيك توك
ومهم يكون الاسلوب جذاب والتصوير نظيف وان تتفاعل بشكل مستمر مع الردود

الان بعطيك طريقة اضافية للنمو على المنصات :
تويتر :
تفاعل مع المحتمع المشابهة لك
يعني روح اضف اللي عندهم محتوى بزنس و المسوقين والمصمممين وتفاعل معاهم يعني رد على تغريداتهم بكلام مفيد واعمل رتويت للتغريدات المفيدة وكذا
هذي الطريق راح تساعدك جداااا على النمو وزيادة الوصول لحسابك
تيك توك:
استخدم خاصية الرد بفديو
يعني لو جاءك سؤال مثلا على احد فديوهاتك ( كيف اوثق متجري )
خذ هذا السؤال واصنع منه محتوى
يعني نزل فديو وانت تشرح كيف يتم توثيق المتجر
هذي احد طرق النمو على تيك توك وبنفس الوقت يزيد التفاعل والثقة بحسابك

انستقرام
استخدم الهشتاقات المناسبة تحت كل بوست حط ١٥-٣٠ هشتاق
نفس الفديوهات اللي تنزلها على تيك توك نزلها على ريلز الانستقرام

الان بعد ماجهزت المحتوى استخدم اساليب النمو على كل منصة
واستمر بالمحتوى يوميا يعني لاتوقف
مهما حسيت ان مافي تفاعل ولا وصوول لحسابك
عادي ممكن اول اسبوع او اسبوعين مافي نتيجة
ولكن راقب احصائيات حسابك بتشوف في زيادة يومية بالمشاهدات وبالمتابعين
وهذا مؤشر جيد استمر
وطور من اساليبك بالتسويق بالمحتوى وابحث عن كل جديد بمجال التسويق بالمحتوى وطبق نصايحهم
ولابد ايضا تذكر يوميا بحساباتك انك تقدم خدمة انشاء المتاجر عشان تذكر متابعينك وتكون دوما بالواجهة
وهذا فيما يخص التسويق لخدمة متاجر سلة
طبعا تقدر تطلق حملات اعلانية مدفوعة
بس كبداية تقدر تبدا بالتسويق بالمحتوى بشكل مجاني تماما
و بقولك شي ثاني لاحظته
ان اكثر من يطلب هذي الخدمة هم فئة الرجال
كثثثير من العملاء يكونون رجال
فلما تسوي حملة اعلانية
جرب انك تحدد فئة الذكور فقط
وسوي حملة ثانية وحدد فئة الرجال والنساء
وشوف ولاحظ وقارن
اتوقع ان الحملة اللي موجهة للرجال فقط راح تكون نتائجها اقوى